ყაზახეთში, ქალაქ ალმათის სიახლოვეს ავიაკომპანია Bek Air-ის სამგზავრო თვითმფრინავმა კატასტროფა განიცადა. თვითმფრინავი ალმათიდან დედაქალაქ ნურსულთანისკენ მიემართებოდა, თუმცა ალმათის აეროპორტიდან აფრენისას სიმაღლე დაკარგა და შენობას შეეჯახა.
კატასტროფას 14 ადამიანი ემსხვერპლა. ინფორმაციას Еuronews და AccuWeather ავრცელებენ.
არიან დაშავებულებიც. თვითმფრინავის ბორტზე სულ 95 მგზავრი და ეკიპაჟის 5 წევრი იმყოფებოდა.
ავიაკატასტროფას უკვე გამოეხმაურა ყაზახეთის პრეზიდენტი, კასიმ-ჟომარტ ტოკაევი. მან გარდაცვლილთა ოჯახებსა და მეგობრებს მიუსამძიმრა და განაცხადა, რომ დაშავებულები სათანადო დახმარებას მიიღებენ.
„შექმნილია სამთავრობო კომისია. ყველა დამნაშავე პასუხს კანონის მიხედვით აგებს“, - განაცხადა ტოკაევმა.
Выражаю глубокие соболезнования родным и близким погибших граждан при падении самолета около Алматы сегодня утром, 27 декабря.Пострадавшим будет оказана помощь. Создана правительственная комиссия во главе с А.Маминым.Все виновные понесут строгое наказание в соответствии с законом
— Qasym-Jomart Toqayev (@TokayevKZ) December 27, 2019
ელენა ტრეხლებოვა
ავტორი