ყაზახურმა ავიაკომპანიამ ყირიმის თავზე გადაფრენისთვის საჯარიმო დავალიანება გაისტუმრა, რომელიც მას უკრაინის სახელმწიფო საავიაციო სამსახურმა უკრაინის საჰაერო სივრცის დარღვევისთვის დაუწესა. თანხამ 136 ათასი გრივნა ($5,8 დოლარი) შეადგინა. ეს პირველი ჯარიმაა, რომელიც უწყებამ ასეთი დარღვევისთვის გამოწერა. ინფორმაციას ამის შესახებ უკრაინის სამხედრო-საჰაერო ძალების სარდლობა ავრცელებს.
უწყების განცხადების თანახმად, 8 აგვისტოს ნახევარკუნძულს ყაზახური ავიაკომპანია Euro-Asia Air-ის (EAA) თვითმფრინავმა გადაუფრინა.
უკრაინის სახელმწიფო საავიაციო სამსახურმა კომპანიას დარღვევის დაფიქსირების შესახებ ამცნო და კომპანია დააჯარიმა. კომპანიამ თანხა დაფარა.