თავში

რამდენი ჟურნალისტი გარდაიცვალა COVID-19-ით მსოფლიოში

​რამდენი ჟურნალისტი გარდაიცვალა COVID-19-ით მსოფლიოში

არასამთავრობო ორგანიზაცია Press Emblem Campaign (PEC) სტატისკიკას აქვეყნებს, რომლის მიხედვით მარტის დასაწყისიდან მთელი მსოფლიოს მასშტაბით COVID-19-ით სულ მცირე 186 ჟურნალისტი გარდაიცვალა.

სიაში 35 ქვეყნის მონაცემები შედის.

რეგიონების მიხედვით, ყველაზე მეტი ჟურნალისტი ახალი კორონავირუსით ლათინურ ამერიკაში გარდაიცვალა - 93 ადამიანი. აზიაში COVID-19-ს 34 ჟურნალისტი ემსხვერპლა, ევროპაში - 26, აფრიკაში -19, ჩრდილოეთ ამერიკაში - 14.

ცალკეა მოყვანილი გარდაცვლილთა სტატისტიკა ქვეყნების მიხედვით. პერუში კორონავირუსით 37 ჟურნალისტი გარდაიცვალა, ბრაზილიაში - 16, მექსიკაში -14, აშშ-ში - 13, ეკვადორში - 12, პაკისტანში - 10, ბანგლადეშში - 9, ინდოეთში - 9, ნიგერიაში - 8, დიდ ბრიტანეთში - 7, ბოლივიასა და რუსეთში - 5-5, ნიკარაგუასა და საფრანგეთში 4-4.

ამასთან, ორგანიზაციაში ვარაუდობენ, რომ ჟურნალისტების COVID-19-ის გარდაცვალების მაჩვენებელი, შესაძლოა, გაცილებით მეტი იყოს, რადგან Press Emblem Campaign ყველა ქვეყნის მონაცემები არ აქვს, ამასთან ყველა გარდაცვლილს კორონავირუსზე ტესტი არ უტარდებოდა. 

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system