თურქეთის პრეზიდენტმა, რეჯეფ თაიფ ერდოღანმა კორონავირუსის საწინააღმდეგო ვაქცინა გაიკეთა.
Telegram-ის ოფიციალურ არხზე თურქეთის პრეზიდენტმა დაწერა: „მეც ავიცერი“.
საინფორმაციო სააგენტო Anadolu-ს ინფორმაციით, თურქეთის პრეზიდენტი კორონავირუსის საწინააღმდეგო ჩინური ვაქცინა CoronaVac-ით აიცრა. მანამდე ვაქცინაცია პირდაპირ ეთერში ჩაუტარდათ ჯანდაცვის მინისტრ ფაჰრეთინ კოჩასა და კორონავირუსის საკითხზე მომუშავე სამეცნიერო კომიტეტის წევრებს.
13 იანვარს თურქეთის ფარმაცევტიკისა და სამედიცინო აღჭურვილობის სააგენტომ ჩინური კომპანია SinoVac-ის ვაქცინის СoronaVac-ის გამოყენება დაამტკიცა. ჩინური წარმოების პრეპარატით ვაქცინაცია თურქეთში დღეიდან დაიწყო.
პანდემიის დაწყებიდან დღემდე, თურქეთში კორონავირუსის 2 355 839 შემთხვევა გამოვლინდა, 23 325 ადამიანი გარდაიცვალა, ხოლო 2 227 927 - გამოჯანმრთელდა.