რომის პაპმა ფრანცისკე I-მა მრევლს ორგანიზებულ დანაშაულებრივ ჯგუფებთან ბრძოლისაკენ მოუწოდა. ამის შესახებ საინფორმაციო სააგენტო Reuters წერს.
პაპმა ხაზგასმით აღნიშნა, რომ კრიმინალები კორონავირუსის პანდემიას თავის სასარგებლოდ, მატერიალური კეთილდღეობის მოსაპოვებლად იყენებენ.
”მაფიები მსოფლიოს მრავალ ნაწილშია და ისინი პანდემიით სარგებლობენ. ისინი კორუფციის გზით მდიდრდებიან”, - აღნიშნა რომის პაპმა.
საინფორმაციო სააგენტოს ცნობით, გასული წლის მიწურულს, ინტერპოლმა გლობალური განგაში გამოაცხადა მას შემდეგ, რაც ცნობილი გახდა, რომ ორგანიზებული დანაშაულებრივი ქსელები COVID-19-ის ყალბ ვაქცინებს ყიდდნენ. მარტში სამხრეთ აფრიკის პოლიციამ ასობით ყალბი ვაქცინა ამოიღო და ოთხი ეჭვმიტანილი დააკავა.
