რუსეთის სახელმწიფო დუმის დსთ-ს საქმეთა, ევრაზიული ინტეგრაციისა და თანამემამულეებთან ურთიერთობის კომიტეტის ხელმძღვანელს, ლეონიდ კალაშნიკოვს კორონავირუსი დაუდასტურდა. ამის შესახებ ადგილობრივი გამოცემა "ტასს" იუწყება.
კალაშნიკოვმა აღნიშნა, რომ მას კორონავირუსით გამოწვეული ორმხრივი პნევმონია აღენიშნება და ამჟამად იგი საავადმყოფოში იმყოფება. როგორც დეპუტატმა თავად განაცხადა, მას ინფექცია მძღოლისგან გადაედო.
რუსეთში 24 საათში ინფიცირებულთა რაოდენობა 5 966-ით გაიზარდა და 74 588-ს მიაღწია. კორონავირუსს 681 ადამიანი ემსხვერპლა.
