რუსეთში გასული დღე-ღამის განმავლობაში COVID-19-ს კიდევ 466 პაციენტის სიცოცხლე ემსხვერპლა, რითაც გარდაცვლილთა რაოდენობა 128 911-მდე გაიზარდა. ამის შესახებ რუსეთის ფედერაციაში კორონავირუსების გავრცელების წინააღმდეგ ბრძოლის მიზნით შექმნილ ოპერატიულ შტაბში განაცხადეს.
ბოლო 24 საათის განმავლობაში, COVID-19-ის 17 906 ახალი შემთხვევა დაფიქსირდა და ინფიცირებულთა საერთო რაოდენობამ 5 299 215-ს მიაღწია.
ქვეყანაში ვირუსისგან დღემდე 4 861 343 ადამიანი განიკურნა.
ინფიცირებულთა რაოდენობის მიხედვით, რუსეთი აშშ-ის, ინდოეთის, ბრაზილიის, საფრანგეთისა და თურქეთის შემდეგ მსოფლიოში მე-6 ადგილზეა.
ანტონ თათვიძე
ავტორი