რუსეთში გასული დღე-ღამის განმავლობაში COVID-19-ს კიდევ 119 პაციენტის სიცოცხლე ემსხვერპლა, რითაც გარდაცვლილთა რაოდენობა 6 948-მდე გაიზარდა. ამის შესახებ რუსეთის ფედერაციაში კორონავირუსების გავრცელების წინააღმდეგ ბრძოლის მიზნით შექმნილ ოპერატიულ შტაბში განაცხადეს.
ბოლო 24 საათში ინფიცირებულთა რაოდენობა 8 835-ით გაიზარდა და 528 964-ს მიაღწია.
ინფიცირებულთა 36,2%-ში დაავადება უსიმპტომოდ მიმდინარეობს.
კორონავირუსით დაინფიცირების შემთხვევებით, რუსეთმა მსოფლიოში მესამე ადგილზე გადაინაცვლა.
გამოჯანმრთელდა 280 ათასზე მეტი ადამიანი.
