რუსეთში გასული დღის განმავლობაში 83 ტყის ხანძარი ჩააქრეს, რომელიც 6267 ჰექტარი მიწის ფართობზე ვრცელდებოდა. 159 ხანძრის ჩაქრობა, რომელთა საერთო ფართობი 330 ათასზე მეტი ჰექტარია, მიუწვდომლობის გამო შეჩერდა. ამის შესახებ Deutsche Welle-ს რუსული გამოცემა იუწყება.
ხანძრის ძირითადი კერები კრასნოიარსკის მხარეში, ირკუტსკსა და ამურის რაიონებში მდებარეობს.
ამ დორისათვის, რუსეთის ტერიტორიაზე ხანძრის 136 კერას აქრობენ, აღნიშნულ რეგიონში ცეცხლი 43 169 ჰექტარზე ვრცელდება.
ხანძრის ჩაქრობაში 4 ათასზე მეტი ადამიანი, 503 ერთეული ტექნიკა და 39 ვერტმფრენი მონაწილეობს. 68 ვერტმფრენი ხანძრის მონიტორინგს ახორციელებს.
რუსეთის 6 რეგიონში ძლიერი ხანძრის გამო საგანგებო რეჟიმია გამოცხადებული.
