ბაშკირეთის რესპუბლიკის, ბლაგოვეშჩენსკის ოლქის, სოფელ ყარაგაიკულთან ვერტმფრენი, რომელშიც სამი ადამიანი იმყოფებოდა, ავარიულად დაეშვა. Report.ge-ს ცნობით, ინფორმაციას რუსული მედია ავრცელებს.
წინასწარი მონაცემებით, უბედური შემთხვევა კერძო ვერტმფრენში მოხდა.
რუსული მედიის ცნობით, ინციდენტის შედეგად არის მსხვერპლი. Eurocopter AS 350-ის ბორტზე მყოფი სამი ადამიანიდან ორი დაიღუპა, ერთი კი დაშავდა.
"ერთ-ერთი დაშავებული ადგილზე გარდაიცვალა, მეორე სასწრაფო დახმარების მანქანაში", - აცხადებენ რესპუბლიკის ჯანდაცვის სამინისტროში.
წინასწარი მონაცემებით, ვერტმფრენის ჩამოვარდნის მიზეზი შესაძლოა ტექნიკური გაუმართაობა გამხდარიყო.
