საბერძნეთის პოლიციამ მიგრანტთა ჯგუფის მიერ გამართული საპროტესტო აქციის დასაშლელად ცრემლსადენი გაზი გამოიყენა. ამის შესახებ საინფორმაციო სააგენტო Reuters იუწყება.
გამოცემის ცნობით, მიგრანტები კუნძულ ლესბოსზე აქციებს მას შემდეგ მართავენ, რაც 9 სექტემბერს ხანძრის შედეგად "მორიას" ლტოლვილთა ბანაკი სრულად გადაიწვა.
მიგრანტებსა და სამართალდამცავებს შორის დაძაბულობა დაიწყო, როდესაც ასობით მიგრანტი მიტილენიის პორტისკენ დაიძრა, სადაც ახალი კარვების დასახლების დადგმა იგეგმება.