საბერძნეთის ცენტრალურ ნაწილში ძლიერი შტორმის შედეგად გარდაცვლილთა რიცხვი 3-მდე გაიზარდა. ამის შესახებ ინფორმაციას საინფორმაციო სააგენტო Reuters ავრცელებს.
გამოცემის ცნობით, სტიქიის შედეგად კარდიცას მიდამოებში დაიტბორა 5000-მდე სახლი.
იონის კუნძულებსა და დასავლეთ პელოპონესზე ქარიშხალმა "იანოსმა" ამოძირკვა ხეები, შედეგად შეფერხდა მაცხოვრებლებისათვის ელექტროენერგიის მიწოდება. ქარიშხალმა დღეისათვის უკვე ატიკას მიაღწია.
პრემიერ-მინისტრმა კირიაკოს მიცოტაკისმა, რომელიც სავარაუდოდ უახლოეს დღეებში რეგიონს ეწვევა, განაცხადა, რომ მთავრობა დაზარალებულ რეგიონებს ეკონომიკურ დახმარებას გაუწევს.