პენსიაზე გასვლის შემდეგ საცხოვრებლად ყველაზე კარგი ქვეყნების ჩამონათვალში პირველ ადგილს ისლანდია იკავებს. მეორე ადგილზე შვეიცარიაა, მესამეზე კი - ნორვეგია. მათ მოსდევს ირლანდია და ნიდერლანდები.
კვლევის ავტორებმა პენსიონერთა კეთილდღეობისა და ფინანსური სტაბილურობის მონაცემები 44 ქვეყანაში შეაფასეს. მათ 18 სხვადასხვა მაჩვენებელი 4 ძირითად კატეგორიაში გააერთიანეს. ესენი იყო ჯანმრთელობა, ფინანსები, მატერიალური კეთილდღეობა და ცხოვრების დონე. ექსპერტებმა ასევე აღნიშნეს, რომ პენსიონერთა სიმშვიდე და უზრუნველი სიბერე კორონავირუსმა დაარღვია, რადგან ბევრი გაუთვალისწინებელი რისკფაქტორი შექმნა, განსაკუთრებით ჯანდაცვის სფეროში.
