15 დეკემბრიდან საფრანგეთი კომენდანტის საათს ააწესებს, - ამის შესახებ ქვეყნის პრემიერ-მინისტრმა, ჟან კასტექსმა განაცხადა.
საფრანგეთში მცხოვრები ადამიანები გარეთ გასვლას 20:00-დან 06:00-მდე ვეღარ შეძლებენ.
ჟან კასტექსის თქმით, კომენდანტის საათი 31 დეკემბრის ჩათვლით იმუშავებს.
შეგახსენებთ, Worldometers-ის მონაცემებით, საფრანგეთში კორონვირუსის 2,337,966 შემთხვევაა დაფიქსირებული, მათ შორის, 56,940 პაციენტი გარდაიცვალა.
