საფრანგეთში ახალი კორონავირუსით გარდაცვლილთა რიცხვი 29 640-მდე გაიზარდა. ამის შესახებ ქვეყნის ჯანდაცვის გენერალური დირექცია იტყობინება.
გასული 24 საათის განმავლობაში დაავადებას კიდევ 7 ადამიანის სიცოცხლე ემსხვერპლა. ბოლო დღე-ღამეში კორონავირუსით 284 პირი დაინფიცირდა.
ქვეყანაში ეპიდემიის გავრცელებიდან დღემდე COVID-19-ით სულ 160 377 პირი დაინფიცირდა.
ამჟამად საავადმყოფოში 9 823 ადამიანი მკურნალობს, მათ შორის რეანიმაციაში 715 პაციენტი იმყოფება.