სურვილის შემთხვევაში, საქართველოს შეუძლია, სხვა ქვეყნებთან ერთად, მთიანი ყარაბაღის აღდგენის საერთო პლატფორმას შეუერთდეს, - ამის შესახებ აზერბაიჯანის პრეზიდენტმა ილჰამ ალიევმა უცხოური და ადგილობრივი მედიისთვის გამართულ პრესკონფერენციაზე განაცხადა.
საუბრისას აზერბაიჯანის პრეზიდენტმა აღნიშნა, რომ სამუშაო ჯგუფის საქმიანობა, რომელიც სომხეთის, აზერბაიჯანისა და რუსეთის ვიცე პრემიერ-მინისტრებისგან შედგება, მთელი რეგიონისთვის მნიშვნელოვანია.
"როგორც თურქეთს, ისე ირანს, და მომავალში - სურვილის არსებობის შემთხვევაში - საქართველოს შეუძლია, შეუერთდეს ამ პლატფორმას", - აღნიშნა ალიევმა.