მსოფლიო საზოგადოებამ ვაქცინების სამართლიანი განაწილებისა და COVID-19 პანდემიის დასრულების ვალდებულება საკუთარ თავზე უნდა აიღოს, - ამის შესახებ აღნიშნულია ერთობლივ ღია წერილში, რომელსაც ჯანდაცვის მსოფლიო ორგანიზაცია, მსოფლიო ტურიზმის ორგანიზაცია და საერთაშორისო სავალუტო ფონდი ავრცელებს.
”უკვე აღარ არსებობს ეჭვი, რომ საყოველთაო აღდგენა შეუძლებელი იქნება ჯანდაცვის სისტემაში კრიზისის დაძლევის გარეშე. ვაქცინაციის არსებობა ორივეს პირობაა”, - აღნიშნულია დოკუმენტში, რომელსაც სამივე ორგანიზაციის ხელმძღვანელი აწერს ხელს.
წერილში აღნიშნულია, რომ ვაქცინების წარმოებისა და განაწილების დისბალანსი არა მხოლოდ ბევრ ადამიანს ართმევს ვირუსის მიმართ იმუნიტეტის მიღების შესაძლებლობას, არამედ ქმნის COVID-19 ახალი შტამების გაჩენისა და გავრცელების წინაპირობას მსოფლიოში.
”დღეს ჩვენ მოვუწოდებთ საერთაშორისო საზოგადოებას, გამოავლინოს პრინციპულად ახალი დონის მხარდაჭერა და უფრო გადამწყვეტი, კოორდინირებული და ახალი დაფინანსებით უზრუნველყოფილი, მსოფლიო მოსახლეობის ვაქცინაციის სტრატეგიის განახორციელოს", - აღნიშნულია წერილში.
ორგანიზაციების ხელმძღვანელების აზრით, დასახული მიზნების მისაღწევად დაბალი და საშუალო შემოსავლის მქონე ქვეყნებისთვის დამატებითი სახსრების გამოყოფაა საჭიროა, რას მეტწილად გრანტებსა და შეღავათიანი დაფინანსებას გულისხმობს, ასევე მეტი ვაქცინის წარმოებისთვის დიდი თანხების გამოყოფაა სასურველი.
.
