სამხრეთ აფრიკის პარლამენტის შენობაში ხანძარი ისევ გაჩნდა. Report.ge-ს ცნობით, ინფორმაციას Sky News ავრცელებს.
ახალი ხანძარი წინა აალებისგან ერთი დღის შემდეგ გაჩნდა.
მის ჩაქრობაში 70-ზე მეტი სამაშველო ჯგუფი იყო ჩართული.
ხელახალი აალების შედეგად, შესაძლოა, პარლამენტის მთელი კონსტრუქცია დაიშალოს.
მეხანძრეები ადგილზე მუშაობას აგრძელებენ.
ცნობისთვის, სამხრეთ აფრიკის საკანონმდებლო ორგანოში ხანძრის გაჩენის საქმეზე ერთი ადამიანი დააკავეს. ძანძრის შედეგად შენობის სახურავი და შენობის ერთი სართული ჩამოინგრა. დაშავებულები არ არიან.
საქმეს სამხრეთ აფრიკის პრიორიტეტულ დანაშაულთა გამოძიების დირექტორატი (Hawks) იძიებს. როგორც წესი, უწყება პოლიტიკურ ინსტიტუტებზე თავდასხმის საქმეებს სწავლობს.