სამხრეთ კორეის ეპიდემიოლოგიურმა სამსახურმა მაღალპათოგენური ფრინველის გრიპის, H5N8-ის აფეთქების 105 კერა დაადასტურა. ინფორმაციას ამის შესახებ YONHAP News ავრცელებს.
სააგენტოს ცნობით, 37 აფეთქება დაფიქსირდა კიონგიდოს პროვინციაში, ხოლო 18 - ჩოლა-ნამდოს პროვინციაში დაფიქსირდა. გარდა ამისა, ვეტერინარული სამსახური აფეთქებოს კიდევ ორ სავარაუდო კერას სწავლობს.
სამხრეთ კორეის სურსათის, სოფლის მეურნეობისა და სატყეო მეურნეობის სამინისტროში განაცხადეს, რომ საშიში ვირუსის გავრცელების თავიდან ასაცილებლად 29 მილიონი ფრინველი განადგურდა, რამაც ფრინველისა და კვერცხის ფასების ზრდა გამოიწვია. კერძოდ, შარშანდელთან შედარებით ქათმის კვერცხის საშუალო ფასი 44,9%-ით გაიზარდა.
