რუსეთის თავდაცვის სამინისტროს საჭიროებისთვის განკუთვნილ გემს სანკტ-პეტერბურგში ცეცხლი გაუჩნდა. ამის შესახებ ინფორმაციას გემთმშენებლობის კორპორაციის სამსახური ავრცელებს.
ცეცხლი ქარხანაში მყოფ 203385 პროექტის კორვეტს მოეკიდა, რომლის სახელია "პროვორნი"
გავრცელდა ინფორმაცია, რომ ცეცხლმა მოიცვა მხოლოდ გემბანი, დაახლოებით 100 კვადრატული მეტრის ფართობზე. თუმცა, მოგვიანებით დადგინდა რომ ცეცხლი თითქმის მთელ გემ 800 კვადრატულ მეტრ ფართობზე მოედო.
ხანძარს უმაღლესი სირთულის ხარისხი აქვს მინიჭებული და მის ჩაქრობაში 170-მდე ადამიანი და 40-ზე მეტი ტექნიკაა ჩართული.
დაშავებულების შესახებ ინფორმაცია არ გავრცელებულა.
