აშშ-ის სააპელაციო სასამართლომ დროებით დაბლოკა ბაიდენის ბრძანება, მსხვილი კომპანიების თანამშრომლების კორონავირუსის საწინააღმდეგოდ სავალდებულო აცრის შესახებ.
კანონი კომპანიებს, რომლებსაც 100-ზე მეტი თანამშრომელი ჰყავთ, დასაქმებულების სრულ ვაქცინაციას ან ყოველკვირეულ ტესტირებას ავალდებულებს.
სასამართლომ საკანონმდებლო ინიციატივაში აღმოაჩინა სერიოზული იურიდიული და კონსტიტუციური პრობლემები, რის გამოც განკარგულება შეაჩერა და ბაიდენის ადმინისტრაციას პასუხის გასაცემად რამდენიმე დღიანი ვადა მისცა.
აშშ-ის პრეზიდენტის ადმინისტრაციის მიერ ინიცირებული რეგულაცია სასამართლოში ტეხასის, ლუიზიანის, მისისიპის, სამხრეთ კაროლინისა და იუტას შტატებმა, ასევე კერძო კომპანიებმა და რელიგიურმა ჯგუფებმა გაასაჩივრეს. ისინი ბაიდენს უფლებამოსილების გადამეტებაში ადანაშაულებენ.
ცნობისთვის აშშ-ში ბევრმა კომპანიამ თავისი თანამშრომლებისთვის COVID-19-ის საწინააღმდეგო ვაქცინაცია სავალდებულო უკვე გახადა.
ანტონ თათვიძე
ავტორი