არაბული ქვეყნების კოალიციამ საუდის არაბეთის მეთაურობით იემენის დედაქალაქ სანაში სამიზნეებზე საჰაერო თავდასხმები განახორციელა. Report.ge-ს ცნობით, ინფორმაციას Reuters ავრცელებს.
"დარტყმა ოთხშაბათს დილით ადრე განხორციელდა. ეს არის პასუხი ირანთან დაკავშირებული იემენის ჰუსიტების თავდასხმაზე, რომელიც მათ დრონის გამოყენებით მოახდინეს", - წერს გამოცემა.
კოალიციამ ასევე განაცხადა, რომ გაანადგურა საწყობები და სახელოსნოები, სადაც უპილოტო საფრენი აპარატების წარმოება ხდებოდა. მათ ჰუსიტები საუდის არაბეთის ტერიტორიაზე თავდასხმისთვის იყენებენ.