საუდის არაბეთის ჩრდილო-დასავლეთში მდებარე თაბუკის მთები 1 იანვარს დილით, ტემპერატურის მკვეთრი ვარდნის გამო, თოვლით დაიფარა. Report.ge-ს ცნობით, ინფორმაციას The National News ავრცელებს.
ადგილობრივი მოსახლეობა თოვლს სიმღერითა და ცეკვით შეხვდა. თოვლის სანახავად ხალხი სამეფოს სხვა რეგიონებიდანაც ჩამოდიოდა.
"ექსტრემალური ამინდის პირობების" გამო, უსაფრთხოების ძალებმა ტერიტორიისკენ მიმავალი გზა გადაკეტეს მას შემდეგ, რაც აქ ათასობით ადამიანი შეიკრიბა. ხელისუფლებამ მოუწოდა სტუმრებსა და თაბუკის მაცხოვრებლებს, ფრთხილად იყვნენ, რადგან უამინდობისგან ხილვადობა გაუარესდა.