სენეგალში აქციის მონაწილეები მაღაზიების ფანჯრებს ამსხვრევენ, პოლიციის განყოფილებებს წვავენ და ავტომობილებს ანადგურებენ.
სამართალდამცავებსა და აქციის მონაწილეებს შორის დაპირისპირების შედეგად სულ 7 ადამიანი გარდაიცვალა, მათ შორის, ერთი არასწრულწლოვანიც. ქვეყნის სამხრეთით მდებარე ქალაქ დიაობეში, 6 მარტს, 17 წლის ბიჭი ცეცხლსასროლი იარაღით მოკლეს, როდესაც სამთავრობო შენობებს არბევდნენ.
სამართალდამცავებმა აქციის მონაწილეების წინააღმდეგ ცრემლსადენ გაზი გამოიყენეს. ადგილობრივი მედია აღნიშნავს, რომ ბოლო რამდენიმე ათწლეულის განმავლობაში სენეგალში ამ მასშტაბის არეულობები არ მომხდარა.
სენეგალში, 3 მარტს, ოპოზიციის ერთ-ერთი ლიდერი უსმან სონკო გაუპატიურების ბრალდებით დააპატიმრეს. თავად პოლიტიკოსი ირწმუნება, რომ ის უდანაშაულოა. მისი თქმით, ამ გზით ხელისუფლება საპრეზიდენტო არჩევნებში კონკურენტის ჩამოშორებას ცდილობს.
