შვეიცარიულმა კორპორაციამ ABB წარადგინა მსოფლიოში ყველაზე მძლავრი დამტენი, რომელიც 15 წუთში 4 ელექტრომობილს ტენის. ინფორმაციას Reuters ავრცელებს.
დატენვა ავტომობილს 100 კმ-ზე ჰყოფნის.
მოსალოდნელია, რომ დამტენი Terra 360 ევროპაში უკვე წლის ბოლომდე იქნება ხელმისაწვდომი. აშშ-ში, ლათინურ ამერიკასა და აზიურ-წყნარი ოკეანის რეგიონში კი მას 2022 წელს მიიღებენ.
საერთაშორისო ენერგეტიკული სააგენტოს ცნობით, გასულ წელს პანდემიასთან დაკავშირებული ახალი მანქანების გაყიდვების შემცირების მიუხედავად, 2020 წლის განმავლობაში რეგისტრირებული ელექტრომობილების რაოდენობა გლობალურად 41%-ით გაიზარდა და სამ მილიონ მანქანას მიაღწია.