სინგაპურში კორონავირუსის დასადგენად სასუნთქი მოწყობილობა შექმნეს. მისი განთავსება დაგეგმილია აეროპორტში და გამოყენებული იქნება მნიშვნელოვანი პანდემიის დროს. ინფორმაციას ამის შესახებ The Straits Times ავრცელებს.
ცნობილია, რომ კლინიკური კვლევების დროს მოწყობილობამ, რომელსაც TracieX ეწოდება 95%-იანი დადებითობა აჩვენა. ეს შედარებულია PCR ტესტებთან. თითოეული ტესტის ღირებულება დაახლოებით 20 დოლარია, რაც იაფია არსებულ ანალოგებთან შედარებით და შედეგის მიღება შესაძლებელია ორი წუთის განმავლობაში.
დეველოპერები განმარტავენ, რომ ყოველი ამოსუნთქვისას გამოიყოფა აქროლადი ორგანული ნაერთები, რომლებიც წარმოიქმნება ადამიანის უჯრედებში სხვადასხვა ბიოქიმიური რეაქციების შედეგად და მოწყობილობას შეუძლია სუნთქვის ქიმიური შემადგენლობის ცვლილებების დაფიქსირება.
აღინიშნა, რომ TracieX-მა უკვე დაიწყო ტესტირების რეჟიმში მუშაობა ინფექციურ დაავადებათა ეროვნულ ცენტრში და ჩანგის აეროპორტში. ჩამოსულ მგზავრებს კორონავირუსზე სწორედ ამის საშუალებით ტესტავენ.
მწარმოებლების თქმით, სასუნთქი მოწყობილობის მასობრივი წარმოება ივნისში იგეგმება. ნავარაუდევია, რომ პირველ ეტაპზე თვეში, დაახლოებით, 200 ათასი ერთეული ტესტის წარმოება მოხდება, შემდეგ მათი რაოდენობა თვეში 2 მილიონამდე გაიზრდება.
