სინგაპურში სასამართლომ ტაქსის მძღოლს ცრუ ინფორმაციის გავრცელებისთვის 4 თვით თავისუფლების აღკვეთა მიუსაჯა. ამის შესახებ სააგენტო Reuters წერს.
მამაკაცმა სასურსათო მაღაზიების დახურვის შესახებ Facebook-ში პოსტი დაწერა და ადამიანებს პროდუქტების მომაგარებისკენ მოუწოდა. 15 წუთში მან პოსტი წაშალა. ჯგუფი, სადაც მან ამის შესახებ დაწერა, 7500-მდე ადამიანს აერთიანებს.
პროკურორების თქმით, ასეთი ზომა მომავალში პანიკის დათესვის პრევენციას შეუწყობს ხელს.
"ფსიქოლოგიური ბრძოლა, რომელიც შიშისა და ისტერიის დაძლევაზეა მიმართული, ასევე მნიშვნელოვანია, როგორც COVID-19-ის გავრცელების წინააღმდეგ ბრძოლა", - განაცხადა პროკურორმა, დებორა ლიმ.
სინგაპურში ცრუ ინფორმაციის გავრცელება $7000 ოდენობის ჯარიმით, ან სამ წლამდე თავისუფლების აღკვეთით ისჯება.
