სირიის სანაპიროსთან ირანულ ტანკერზე თავდასხმა განხორციელდა, რასაც ხანძარი მოჰყვა. ამის შესახებ საინფორმაციო სააგენტო France Press წერს.
"სირიის ადამიანის უფლებათა ობსერვატორიის" ცნობით, ინციდენტს მსხვერპლი არ მოჰყოლია.
”ამ დროისათვის უცნობია თავდასხმა სირიის მხრიდან განხორციელდა თუ არა. ირანული ტანკერი ირანიდან ჩამოვიდა და მას ბანიას პორტის მახლობლად დაესხნენ თავს”, - აღნიშნულია "სირიის ადამიანის უფლებათა ობსერვატორიის" განცხადებაში.
ამჟამად დაუდგენელია თავდასხმა დრონით განხორციელდა, თუ სარაკეტო დარტყმით.