სლოვაკეთის მაცხოვრებლებს თავიანთი სახლების დატოვება სამუშაოდ ან პარკში გასეირნების მიზნით კორონავირუსზე ნეგატიური პასუხის გარეშე აეკრძალათ. ქვეყანაში დღეს მოსახლეობის მასობრივი ტესტირება დაიწყო. ამის შესახებ ქვეყნის პრემიერ-მინისტრმა განაცხადა.
მისივე თქმით, ანტიეპიდემიური ზომების ახალი იძულებითი გამკაცრება COVID-19-ით სიკვდილიანობის შემცირებასთან და საავადმყოფოების დატვირთვასთან არის დაკავშირებული. ასევე, ამგვარი ზომების მიზანია, დაჩქარდეს ბავშვების სკოლებში დაბრუნება.
სახლიდან გასვლის აკრძალვა 7 თებერვლამდე გაგრძელდება. აკრძალულია არა მარტო გასეირნება, არამედ სამსახურში გადაადგილება. ეს ეხება 15-დან 65 წლამდე ყველა მაცხოვრებელს.
ბოლო მონაცემებით, სლოვაკეთში კორონავირუსის 223 325 შემთხვევა დაფიქსირდა. გარდაცვლილთა რაოდენობამ 3 474 მიაღწია, ხოლო 168 915 პაციენტი გამოჯანმრთელდა.
თეკო გიორგაძე
ავტორი