სომხეთში, სიუნიკის და ლორის ოლქებში, საავადმყოფოში 49 ადამიანი მოათავსეს. მათ ნაწლავური ინფექციის დიაგნოზი დაუსვეს. მიზეზი, სავარაუდოდ, ეკლერებით მოწამლვა გახდა. ამის შესახებ სომხეთის ჯანდაცვის სამინისტოში განაცხადეს.
ამჟამად სტაციონარში 41 ადამიანი რჩება. მათ მაღალი სიცხე, დიარეა და ღებინება აღენიშნებათ. მიმდინარეობს გამოძიება. შემოწმებას სომხეთის საკვები პროდუქტების უსაფრთხოების სახელმწიფო სამსახურიც ატარებს.
