სომხეთის ცენტრალურმა საარჩევნო კომისიამ დღეს გამართულ სხდომაზე ვადამდელი საპარლამენტო არჩევნების საბოლოო შედეგები დაამტკიცა. მე-8 მოწვევის ეროვნულ ასამბლეას 107 დეპუტატი ეყოლება. ინფორმაციას ამის შესახებ ადგილობრივი მედია ავრცელებს.
არჩევნებში გამარჯვებულ მმართველ პარტიას "სამოქალაქო შეთანხმება" აბსოლუტური უმრავლესობა აქვს. ფაშინიანის პარტიას 71 დეპუტატი წარმოადგენს. რობერტ ქოჩარიანის ნაციონალისტურმა ბლოკმა "სომხეთი" 29 ადგილი მიიღო, ხოლო სერჟ სარქისიანის ბლოკს "მაქვს პატივი" 7 მანდატი აქვს.
ახალი პარლამენტი პირველი სესიისთვის ორშაბათს, 2 აგვისტოს, 10:00 საათზე შეიკრიბება.
