სომხეთში ახალი კორონავირუსი ბოლო 24 საათში 580 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 27 900-ს მიაღწია. ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
კორონავირუსით ინფექციის გავრცელებიდან დღემდე 477 ადამიანი გარდაიცვალა, მათ შორის, 8 გასული დღე-ღამის განმავლობაში.
15 935 პაციენტი გამოჯანმრთელდა. ამჟამად მკურნალობას 11 331 პაციენტი განაგრძობს. ქვეყანაში სულ 120 245 ტესტი ჩატარდა.
