სომხეთში ახალი კორონავირუსი ბოლო 24 საათში 547 ადამიანს დაუდასტურდა. ჯამში, ქვეყანაში COVID-19-ით ინფიცირებულთა რიცხვმა 12 364-ს მიაღწია. ამის შესახებ ქვეყნის ჯანდაცვის სამინისტროს დაავადებათა კონტროლისა და პრევენციის ეროვნულ ცენტრში განაცხადეს.
კორონავირუსის გავრცელებიდან დღემდე 190 ადამიანი გარდაიცვალა, მათ შორის 7 გასული დღე-ღამის განმავლობაში. 3 720 პაციენტი გამოჯანმრთელდა.
ამჟამად 8 385 პაციენტი კლინიკაში მკურნალობს. ქვეყანაში ტესტირება ამ დროისთვის 66 674 ადამიანს ჩაუტარდა.
