ელექტრომობილების მწარმოებელი კომპანია Fisker სპეციალურად რომის პაპისთვის ელექტრომობილს ქმნის. ამის შესახებ გამოცემა Daily Mail წერს.
როგორც კომპანიაში აცხადებენ ელექტრომობილი მთლიანად გადამუშავებული მასალებისგან, კერძოდ, პლასტმასის ბოთლებისგან იქნება დამზადებული.
”ჩემთვის შთამაგონებელი იყო, რომ რომის პაპი ფრანცისკე I გარემოსა და კლიმატის ცვლილების გავლენას მომავალ თაობებზე ძალიან ყურადღებით ეკიდება”, - განაცხადა კომპანიის თანადამფუძნებელმა ჰენრიკ ფისკერმა.
21 მაისს Fisker-მა რომის პაპთან შეხვედრა გამართა და მას ელექტრომობილის მოდელი წარუდგინა.
ავტომობილის ახალ მოდელს ერთი დატენვით 560 კილომეტრის გავლა შეუძლია. მისი მასობრივი გაყიდვა 2022 წლიდან დაიწყება და მისი ფასი 37.5 ათასი აშშ დოლარი იქნება.
It was an honor to have a private audience with Pope Francis @Pontifex . He is so conscience about our responsibility towards the environment & for our generations to come! Looking forward to make the 1st ALL electric Popemobile. #Fisker #love #EVs #PopeFrancis #vatican pic.twitter.com/0zdnXs6Bpo
— Henrik Fisker (@henrikfisker) May 21, 2021
