SpaceX-ის ხომალდის Starship SN15-ის პროტოტიპის დედამიწაზე დაბრუნებისას მცირე ხანძარი გაჩნდა. ცეცხლი რამდენიმე წუთში ჩააქრეს.
"ეს ჩვეულებრივი მოვლენაა საწვავისთვის, რომელიც გამოიყენება", - განმარტა კომპანიის ინჟინერმა ჯონ ინსპრუკერმა. ინფორმაციას The Verge ავრცელებს.
რაკეტის წარმატებული გამოცდის შესახებ SpaceX- ის დამფუძნებელმა ილონ მასკმა Twitter- ის საკუთარ გვერდზე დაწერა.
"Starship-ი ნორმალურად დაეშვა",- განაცხადა მასკმა
Starship landing nominal!
— Elon Musk (@elonmusk) May 5, 2021
SN15-ის სახელით ცნობილი Starship– ის პროტოტიპი 5 მაისს, ტეხასის შტატში, ბოკა-ჩიკას კოსმოდრომიდან ჰაერში 10 კილომეტრის სიმაღლეზე აფრინდა და უკან, სასტარტო კომპლექსის მახლობლად, წარმატებით დაეშვა.
კიდევ ერთი საცდელი გაფრენა 3 მარტს წარუმატებლად განხორციელდა. Starship SN10 პროტოტიპი დაახლოებით 10 კმ სიმაღლეზე ავიდა ჰაერში, შემობრუნდა და რამდენიმე წუთში, დაშვებისას აფეთქდა.
