სუდანის პრემიერ-მინისტრმა აბდალა ჰამდუკმა თანამდებობა დატოვა. Report.ge-ს ცნობით, ინფორმაციას CNN ავრცელებს.
გადადგომის მიზეზი, სავარაუდოდ, კვირას მომხდარი ინციდენტი გახდა. დედაქალაქთან სამხედრო გადატრიალების საწინააღმდეგო დემონსტრაციების დროს სამი ადამიანი მოკლეს.
ჰამდუკმა ასევე შეაქო სუდანელი ხალხი საპროტესტო აქციების დროს „თავისუფლებისა და სამართლიანობის“ მოთხოვნის გადაწყვეტილების გამო და დასძინა, რომ ისინი მათი რევოლუციური ენთუზიაზმით უკეთეს მომავალს ნამდვილად მიიღებდნენ.
სუდანში, 25 ოქტომბრის დილით, ჯარისკაცებმა პრემიერ-მინისტრი აბდულა ჰამდუკი და რამდენიმე სხვა პოლიტიკოსი დააკავეს. ცოტა ხნის წინ ჰამდუკი გაათავისუფლეს.
არმიის გენერალმა აბდელ ფატაჰ ალ-ბურჰანმა ქვეყანაში საგანგებო მდგომარეობა გამოაცხადა და სუვერენული საბჭოსა და მთავრობის დაშლა გამოაცხადა. მან დასძინა, რომ სუდანში მოსახლეობის ყველა სეგმენტის მონაწილეობით ტექნოკრატიული მთავრობა შეიქმნება.
