ტაჯიკეთში საპარლამენტო არჩევნები მიმდინარეობს. ამის შესახებ Reuters იუწყება.
ადგილობრივი დროით 15:00 საათის მონაცემებით, საარჩევნო უბნებზე ამომრჩეველთა აქტიურობა 75.1%-ს შეადგენდა. ამის შესახებ ქვეყნის ცენტრალური საარჩევნო კომისიის ხელმძღვანელმა, ბახტიორ ხუდოერზოდამ განაცხადა.
ტაჯიკეთის კანონმდებლობის თანახმად, არჩევნები გამართულად მხოლოდ იმ შემთხვევაში გამოცხადდება, თუ მასში მონაწილეობას 4,7 მლნ ამომრჩევლიდან 50% მაინც მიიღებს.
ხმის მიცემის პროცედურა ადგილობრივი დროით 20:00 საათამდე გაგრძელდება, რის შემდეგაც საარჩევნო კომისია ხმების დათვლას დაიწყებს. წინასწარი შედეგები, არჩევნების დასრულებიდან 24 საათში გამოცხადდება, ხოლო საბოლოო შედეგები მხოლოდ ორი კვირის შემდეგ იქნება ცნობილი.
