ავღანეთის მმართველმა თალიბანმა ქვეყანაში საარჩევნო ადმინისტრაცია გააუქმა. მასთან ერთად გაუქმდა არჩევნების დამოუკიდებელი კომისია და არჩევნების გასაჩივრების კომისია. ქვეყნის მთავრობის სპიკერის განცხადებით, წინა ხელისუფლების პირობებში შექმნილი სტრუქტურები მუშაობას შეაჩერებენ, რადგან მათი არსებობის საჭიროება არ არსებობს.
"ასეთი კომისიების საჭიროება არ არსებობს", - განაცხადა თალიბანის სპიკერმა ბილალ კარიმიმ. მისივე განცხადებით, თუ მათი საჭიროება საგრძნობი გახდება, ისლამური ემირატები ამ კომისიებს აღადგენს.
თალიბანმა ავღანეთში ხელისუფლება მიმდინარე წლის აგვისტოში ჩაიგდო. შედეგად, აშშ-ის მიერ მხარდაჭერილმა ხელისუფლებამ ქვეყანა დატოვა.