აზერბაიჯანის თავდაცვის სამინსიტროს პრეს-სამსახურის ხელმძღვანელის, პოლკოვნიკ ვაგიფ დარგიაჰლის განცხადებით, სომხეთის პრესაში გავრცელებული ინფორმაცია აზერბაიჯანის სამხედრო-საჰაერო ძალების 3 თვითმფრინავის, 2 ვერტმფრენისა და 6 უპილოტო საფრენი აპარატის თითქოს და დღეს ჩამოგდების შესახებ, სიმართლეს არ შეესაბამება.
თავდაცვის უწყების მაღალჩინოსნის განცხადებით აზერბაიჯანის სამხედრო-საჰაერო ძალების არც ერთი საშუალება დღეს ჰაერში არ გასულა.
"აზერბაიჯანის სამხედრო ავიაციის ყველა საშუალება სრული შემადგენლობით და სრულ საბრძოლო მზადყოფნაში მწკრივში იმყოფება. როგორც ჩანს, სომხეთის თავდაცვის სამინისტროს ოფიციალური პირები თავს აზერბაიჯანის დანაკარგების შესახებ ცრუ ინფორმაციის გავრცელებით იმშვიდებენ".
