იაპონიის ოფიციალური პირები ამერიკის შეერთებულ შტატებთან სავაჭრო შეთანხმების პერსპექტივებს სიფრთხილით ეკიდებიან.
იაპონიის მინისტრთა კაბინეტის გენერალური მდივნის იოსიხიდე სუგას თქმით,მხარეებმა ძირითად შეთანხმებას მიაღწიეს, თუმცა დეტალები ჯერ კიდევ დასაზუსტებელია. სუგას განცხადებით, აშშ-ს პრეზიდენტმა და იაპონიის პრემიერმა დოკუმენტს ხელი სექტემბრის ბოლოს, ნიუ-იორკში გაეროს გენერალურ ასამბლეაზე ვიზიტისას უნდა მოაწერონ.
„ ჩვენ ვცდილობთ, დარჩენილი სამუშაოები დავაჩქაროთ, თუმცა მეტ კომენტარს ვერ გავაკეთებ, რადგან ოფიციალური შეთანხმება ბოლომდე მიღწეული არაა“, - განაცხადა იოსიხიდე სუგამ.
მანამდე აშშ-ს პრეზიდენტმა დონალდ ტრამპმა განაცხადა, რომ ვაშინგტონმა ტოკიოსთან სავაჭრო შეთანხმებას მიაღწია, რომელიც კონგრესში დამტკიცების შემდეგ ამოქმედდება.
მედეა ცხოვრებაძე
ავტორი