აშშ-ის პრეზიდენის დონალდ ტრამპმა დაადასტურა, რომ აშშ უცხო ქვეყნის მოქალაქეებისათვის რამდენიმე ტიპის სამუშაო ვიზების გაცემას შეაჩერებს. ამის შესახებ Reuters იუწყება.
გამოცემის ცნობით, პრეზიდენტი ახალი შეზღუდვების შესახებ ოფიციალურ განცხადებას რამდენიმე დღეში გააკეთებს. ტრამპი აღნიშნავს, რომ რეგულაციები ეპიდემიის ფონზე უმუშევრად დარჩენილ ამერიკის მოქალაქეებს დაიცავს.
კრიტიკოსების განცხადებით, ტრამპი ეპიდემიოლოგიურ მდგომარეობას თავისი დიდი ხნის მიზნების განსახორციელებლად იყენებს. საიმიგრაციო შეზღუდვებით აშშ-ის ამჟამინდელი პრეზიდენტი მისი იდეოლოგიის მხარდამჭრი ამომრჩევლების კეთილგანწყობის მოპოვებას ეცდება.
