აშშ-ში CNN-ის ჟურნალისტზე თვალთვალის ფაქტზე სკანდალი გორდება. მედიასაშუალების ხელმძღვანელი იუსტიციის მინისტრთან შეხვედრას ითხოვს. საქმე ჟურნალისტ ბარბარა სთარს შეეხება, რომელიც CNN-ზე პენტაგონთან დაკავშირებულ ახალ ამბებს აშუქებს. იუსტიციის სამინისტროს გაცხადებით, ექსპრეზიდენტ დონალდ ტრამპის ადმინისტრაცია მას 2017 წელის ივნის-ივლისში უთვალთვალებდა. ჟურნალისტის პენტაგონის მაღალჩინოსნებთან სატელეფონო საუბრების ჩანაწერები და ელექტრონული მიმოწერის ასლები ტრამპის მაგიდაზე კარგა ხანს ეწყო.
იუსტიციის სამინისტროს განცხადებით, ტრამპის ადმინისტრაცია CNN-ის ჟურნალისტამდე Washington Post-ის ჟურნალისტებს უთვალთვალებდა. CNN-ის ხელმძღვანელობა აცხადებს, რომ მსგავსი ქმედებები სიტყვის თავისუფლების ნორმების დარღვევაა. იუსტიციის სამინისტროში პასუხობენ, რომ ეს ქმედებები წინა ადმინისტრაციის პირობებში ხორციელდებოდა. შეხვედრა იუსტიციის სამინისტროში მალე გაიმართება.