აშშ-ის პრეზიდენტი აცხადებს, რომ TikTok-ის აკრძალვის შესაძლებლობას განიხილავს. ამის შესახებ დონალდ ტრამპმა ჟურნალისტებს ტეხასში გამგზავრებამდე განუცხადა.
"ჩვენ TikTok-ს თვალს ვადევნებთ და გადაწყვეტილების მიღებაზე ვფიქრობთ", - განაცხადა მან.
აშშ-ის სახაზინო დეპარტამენტის მდივანმა, სტივენ მნუჩინმა კი დაამატა, რომ TikTok-ს უცხოური ინვესტიციების კომიტეტი სწავლობს, რომელიც ეროვნული უსაფრთხოებისთვის პოტენციურ რისკებს აფასებს.
შეგახსენებთ, აშშ-ის პრეზიდენტი და მისი ადმინისტრაცია თვლიან, რომ ჩინეთი სოციალურ პლატფორმა TikTok-ს ამერიკელებზე ჯაშუშობისთვის იყენებს.