შვეიცარიელი დიპლომატი მირიანა სპოლიარიჩ ეგგერი წითელი ჯვრის საერთაშორისო კომიტეტს (ICRC) 2022 წლის 1 ოქტომბრიდან 4 წლის ვადით უხელმძღვანელებს. ინფორმაციას ორგანიზაცია ავრცელებს.
ეგერი ორგანიზაციის პრეზიდენტად ICRC-ის უზენაესმა მმართველმა ორგანომ, ასამბლეამ აირჩია.
ორგანიზაციის ამჟამინდელი ხელმძღვანელის, პეტერ მაურერის უფლებამოსილება 2022 წლის სექტემბერში ამოიწურება.
2018 წლიდან ეგერი გაერო-ს გენერალური მდივნის თანაშემწე, გაერო-ს განვითარების პროგრამის (UNDP) ადმინისტრატორის თანაშემწე, გაერო-ს განვითარების პროგრამის რეგიონული ბიუროს დირექტორი ევროპასა და დსთ-ში არის.
მანამდე ეგერი შვეიცარიის საგარეო საქმეთა სამინისტროში მუშაობდა.