Lifetime-მა გამოაქვეყნა პირველი კადრი წამყვან მსახიობებთან ერთად, რომლებიც ახალ ფილმში პრინც ჰარისა და მეგან მარკლს ითამაშებენ. ინფორმაციას ამის შესახებ Today ავრცელებს.
მსახიობები, რომლებიც შეასრულებენ ჰარისა და მეგანის როლს ფილმში Harry & Meghan: Escaping the Palace, არიან ჯორდან დინი და სიდნეი მორტონი.
მაყურებელი ფილმში იხილავს, თუ რამ უბიძგეს წყვილს სამეფო მოვალეობებზე უარის თქმისკენ და საკუთარი თავისა და შვილებისთვის განსხვავებული მომავლის არჩევისკენ.ასევე, როგორ გაუმკლავდა მარკლი მზარდ იზოლაციას და ტანჯვას და ასევე როგორ განიცდიდა ჰარი პრესის შეტევებს და იმის შიშს, რომ შეიძლებოდა, ცოლი დაეკარგა.
ცნობილია, რომ ფილმის გადაღება ამ კვირაში ვანკუვერში დაიწყება. მისი პრემიერა შემოდგომაზეა დაგეგმილი.
