ევროკავშირმა დიდი ბრიტანეთის პრემიერის, ბორის ჯონსონი მოთხოვნა ბრექსითის ვადა 3 თვით გახანგძლივების შესახებ დააკმაყოფილა. გადაწყვეტილება ევროპული სახელმწიფოების ლიდერებმა უკვე დაადასტურეს. ამის შესახებ ევროპის საბჭოს პრეზიდენტმა, დონალდ ტუსკმა საკუთარ ტვიტერზე დაწერა.
„ევროკავშირი27 ( 27 სახელმწიფო) დიდი ბრიტანეთის მოთხოვნას ბრექსითის 2020 წლის 31 იანვრამდე გახანგრძლივებასთან დაკავშირებით დაეთანხმა. გადაწყვეტილება დადასტურებული იქნება წერილობით“, - წერს დონალდ ტუსკი "ტვიტერზე".
The EU27 has agreed that it will accept the UK's request for a #Brexit flextension until 31 January 2020. The decision is expected to be formalised through a written procedure.
— Donald Tusk (@eucopresident) October 28, 2019
ეს ბრექსითის გადავადების მესამე შემთხვევაა მას შემდეგ, რაც 2017 წლის მარტში, დიდმა ბრიტანეთმა ლისაბონის ხელშეკრულების 50-ე მუხლი გამოიყენა და ევროკავშირიდან გასვლის პროცედურა დაიწყო.
პრემიერმა ბორის ჯონსონმა, მანამდე, განაცხადა, რომ მოკვდებოდა და "ბრექსითის" კიდევ ერთხელ გადადებას არ დაუშვებდა. ახლა იგი ამ პროცესის ბოლომდე მიყვანას 12 დეკემბერს ვადამდელი არჩევნების დანიშვნით ცდილობს. გადაწყვეტილებას დეპუტატებმა კენჭი დღეს უნდა უყარონ. ჯონსონი იმედოვნებს, რომ პარლამნეტში უმრავლესობის მოპოვების შემთხვევაში, დეპუტატები ევროკავშირთან უკვე მიღწეულ შეთანხმებას მხარს დაუჭერენ. ასეთ შემთხვევაში, დიდი ბრიტანეთი ევროკავშირის ვადაზე ადრე, 31 იანვრამდე დატოვებას შეძლებს.
მედეა ცხოვრებაძე
ავტორი