დილიდან გახსნილია საარჩევნო უბნები ტუნისში. მოსახლეობა ქვეყნის პრეზიდენტს ირჩევს. ეს საპრეზიდენტო არჩევნების მეორე ტურია, რომელშიც მონაწილეობას ნაბილ კარუი (Nabil Karoui) და კაის საიედი (Kais Saied) იღებენ.
არჩევნების პირველ ტურში საიედმა 18.4% ხოლო კარუიმ 15.6% მიიღო. გასულ კვირას ტუნისში საპარლამენტო არჩევნებიც გაიმართა. შედეგების მიხედვით, ქვეყნის მომავალ პრეზიდენტს კოალიციური მთავრობის შედგენა მოუწევს, რომელმაც ქვეყანას მომავალი ხუთი წლის განმავლობაში უნდა უხელმძღვანელოს.
