5-6 მაისს თურქეთისა და ეგვიპტეს საგარეო საქმეთა მინისტრების მოადგილეები, პირველად 8 წლის შემდეგ, პოლიტიკურ კონსულტაციებს გამართავენ. ინფორმაციას ამის შესახებ თურქული მედია ავრცელებს.
შეხვედრაზე ორ ქვეყანას შორის ურთიერთობების ნორმალიზებისკენ გადადგმული ნაბიჯები იქნება განხილული.
"ამ ტიპის მოლაპარაკებები სასარგებლოა მხარეთა შორის ურთიერთობების ნორმალიზებისა და რეგიონალური კონტექსტისთვის“, – ნათქვამია თურქეთის საგარეო საქმეთა სამინისტროს განცხადებაში.
