ვაშინგტონში თურქეთ-ამერიკის უმაღლესი დონის თავდაცვის ჯგუფის შეხვედრა გაიმართა. ინფორმაციას თურქეთის ეროვნული თავდაცვის სამინისტროს პრესსამსახურზე დაყრდნობით Anadolu ავრცელებს.
"ორი ქვეყნის თავდაცვის დეპარტამენტების დელეგაციების შეხვედრა კონსტრუქციულად და პოზიტიურად წარიმართა. შედგა აზრთა გაცვლა ორმხრივი და რეგიონული თავდაცვისა და უსაფრთხოების საკითხებზე", - აღნიშნულია ინფორმაციაში.
შემდეგი მოლაპარაკებები თურქეთში გაიმართება.
