თურქეთის ქალაქ ელაზიღში მიწისძვრის შემდეგ ძლიერი ხანძარია. ცეცხლი ერთ-ერთ საცხოვრებელ სახლს უკიდია. ადგილობრივი მედიის ცნობით, ხანძარი, სავარაუდოდ, ბუნებრივი აირის გაჟონვის შედეგად გაჩნდა. გაზგამტარი მილის დაზიანება, კი ძლიერმა მიწისძვრამ გამოიწვია.
ამ წუთებში საცხოვრებელ კორპუსთან მობილიზებულია რამდენიმე სახანძრო მანქანა.
ცნობისთვის, პირველადი მონაცემებით, თურქეთში ძლიერი მიწისძვრის შედეგად, სულ მცირე ოთხი ადამიანი დაიღუპა. ინფორმაციას ადგილობრივი მედია თურქეთის შსს-ზე დაყრდნობით ავრცელებს. შემთხვევა აღმოსავლეთით, ელაზიღის პროვინციაში მოხდა. ეპიცენტრი 6.5 კილომეტრის სიღრმეზე ქალაქ სივრიჯთან დაფიქსირდა.
მიწისძვრის სიმძლავრემ 6.8 მგნიტუდა შეადგინა.
აშშ-ის სეისმოლოგიური ცენტრის მონაცემებით მიწისძვრა იგრძნობოდა სირიაში, საქართველოსა და სომხეთშიც.
LATEST â Fire breaks out in central ElazıÄ; blaze reportedly caused by natural gas leakage due to earthquakehttps://t.co/XKFaVlfiRR pic.twitter.com/qXLE255v9A
— DAILY SABAH (@DailySabah) January 24, 2020